مشاہد حسین سید نے کہا کہ خدا جسے تباہ کرنا چاہتا ہے اسے پاگل کر دیتا ہے۔
مسلم لیگ (ن) کے رہنماء مشاہد حسین سید نے پی ٹی آئی پر پابندی کے حکومتی اعلان پر ردعمل دیتے ہوئے کہا ہے کہ خدا جسے تباہ کرنا چاہتا ہے اسے تباہ کرنے سے پہلے پاگل کر دیتا ہے۔
پی ٹی آئی پر پابندی، عمران، سوری اور علوی کیخلاف آرٹیکل 6 کے تحت کارروائی کا فیصلہ
ان کا کہنا تھا کہ تاریخ سے کوئی سبق نہیں سیکھا گیاوہی پرانی غلطیاں دہرائی جارہی ہیں، الوداع سیاسی استحکام، الوداع سرمایہ کاری، الوداع معاشی بحالی۔
واضح رہے کہ حکومت نے تحریک انصاف پر پابندی لگانے کا فیصلہ کیا ہے، اس کے علاوہ بانی پی ٹی آئی، سابق صدر عارف علوی کے خلاف آرٹیکل 6 کے تحت کارروائی کرنے اعلان کیا ہے۔