اسلام آباد ہائیکورٹ نے پی ٹی آئی کی کارکن صنم جاوید کو جمعرات تک گرفتار نہ کرنے کا حکم دیتے ہوئے رہا کردیا۔
وفاقی پولیس نے صنم جاوید کو اسلام آباد ہائیکورٹ میں پیش کیا۔جسٹس میاں گل حسن اورنگزیب نے حکم دیا کہ صنم جاوید کو جمعرات تک گرفتار نہ کیا جائے۔
پنجاب میں 17 سے 20جولائی تک مون سون بارشوں کی پیشگوئی
ہائیکورٹ کی صنم جاوید کو گھر جانے کی اجازت دی اور حکم دیا کہ صنم جاوید اس دوران ایک بھی لفظ بولیں تو عدالت اپنا آرڈر واپس لے لے گی۔جسٹس میاں گل حسن اورنگزیب نے وکیل میاں علی اشفاق کو ہدایت کی کہ صنم جاوید گھر جائے اور خاموش رہے۔
اسلام آباد ہائیکورٹ نے حکم دیا کہ جمعرات تک صنم جاوید اسلام آباد کی حدود سے باہر نہ جائے، جسٹس میاں گل حسن اورنگزیب کا کہنا تھاکہ ورکنگ ڈیز میں ہم اس کیس کا فیصلہ کریں گے۔
9مئی مقدمات،یاسمین راشد ،عمر سرفراز چیمہ اور اعجاز چوہدری کی ضمانت منظور
اسلام آبادہائیکورٹ نے صنم جاوید کےخلاف تمام مقدمات کا ریکارڈ بھی طلب کرلیا۔پیشی کے دوران صنم جاوید کے اہلخانہ بھی موجود رہے۔