سینئر اداکار شبیر جان نے کہا کہ ہم مہذب معاشروں کی صف میں شامل ہو سکتے ہیں۔
ان کا کہنا تھا کہ معاشرے میں ابتری کی صورتحال کی بنیادی وجہ عدم برداشت اور مساوات کا نہ ہونا ہے، ان مسائل کو حل کر کے ہم مہذب معاشروں کی صف میں شامل ہو سکتے ہیں، ضرورت اس امر کی ہے کہ نوجوان نسل کی تربیت پر توجہ مرکوز کی جائے۔
شبیر جان نے کہا کہ میری زندگی کا فلسفہ ہے کہ آپ کو جتنی محبتیں ملیں آپ انہیں تقسیم کریں جس سے نہ صرف آپ کو دوگنا محبتیں ملتی ہیں بلکہ نہ رکنے والا سلسلہ شروع ہو جاتا ہے۔
جنید خان نے والد سے کار لینے سے انکار کی وجہ بتا دی
میرے دوستوں کا ایک بڑا حلقہ موجود ہے جس کی بنیادی وجہ یہی ہے کہ ہم سب ایک دوسرے سے انتہائی محبت، اخلاق اور ادب سے پیش آتے ہیں، انہوں نے کہا کہ معاشرے میں برداشت کو پروان چڑھانے کے لئے ہمیں دلیل سے بات اور ایک دوسرے کی رائے کا احترام کرنا چاہیے۔
سینئر اداکار نے مزید کہا کہ میں نے فن کی دنیا میں کئی دہائیاں گزار دی ہیں اور ہر طرح کے کردار نبھائے ہیں، میرے خیال میں ساری خواہشیں پوری ہو چکی ہیں۔