سابق وفاقی وزیر فواد چوہدری نے بانی پی ٹی آئی اور بشری بی بی کے عدت میں نکاح کیس کا فیصلہ آنے پر خواتین کو مبارک باد پیش کر دی۔
فواد چوہدری نے سماجی رابطے کی ویب سائٹ ایکس پر پیغام میں خواتین کو مبارک باد پیش کی اور ساتھ ہی ویمن رائٹس کا ہیش ٹیگ بھی استعمال کیا، اس بات کا عندیہ دیا کہ انہوں نے اس کیس کے فیصلے کو خواتین کے حقوق کی جیت کے مترادف قرار دیا ہے۔
سولر پینلز، بیٹریوں اور انورٹر کی قیمتوں میں بڑی کمی
انہوں نے سوشل میڈیا پر پیغام جاری کرتے ہوئے لکھا کہ پاکستان کی تمام خواتین کو عدت کیس میں بشری بی بی کی اپیل منظور ہونے پر مبارک، یہ بدترین کیس اپنے انجام کو پہنچا۔
دوسری جانب پی ٹی آئی رہنما شہباز گل نے بھی سماجی رابطے کی ویب سائٹ ایکس پر پیغام جاری کرتے ہوئے عدت میں نکاح کیس میں بانی پی ٹی آئی اور بشری بی بی کی سزا کو کالعدم قرار دیئے جانے پر شکر ادا کیا اور قرآنی آیت شیئر کی۔
انہوں نے سوشل میڈیا پر پیغام جاری کرتے ہوئے لکھا ”کہ الحمد لِلہِ ربِ العالمِین۔“