وزیراعظم شہباز شریف نے پاسکو کی نجکاری کے حوالے سے لائحہ عمل تیار کرنے کی ہدایت کر دی۔
وزیراعظم محمد شہباز شریف کی زیر صدارت ہونے والے اجلاس میں وزارت قومی غذائی تحفظ و تحقیق اور پاسکو سے متعلق امورپر غور کیا گیا، اجلاس میں گندم سے متعلق بورڈ کی تنظیم نوکی منظوری بھی دی گئی۔
سپریم کورٹ میں مخصوص نشستوں سے متعلق کیس کا فیصلہ، سکیورٹی سخت کر دی گئی
اجلاس سے خطاب کرتے ہوئے وزیراعظم نے ہدایت کی کہ گندم اور دیگر فصلوں کی پیداوار میں اضافے کے لئے موثر اقدامات کئے جائیں،گندم بورڈ میں کسانوں کے نمائندوں کو شامل کیا جائے۔
وزیراعظم نے بورڈ میں لینڈ انفارمیشن اینڈ مینجمنٹ سسٹم اور سپارکو کے نمائندگان کوبھی شامل کرنے کی ہدایت کی۔اس موقع پر وزیراعظم ہدایت کی کہ پاسکو کی نجکاری کے حوالے سے لائحہ عمل تیار کیا جائے۔
وزیراعظم نے ہدایت کی کہ گندم کی خریداری سے متعلق متبادل حکمت عملی ترتیب دینے اور صوبوں، گلگت بلتستان اور آزاد جموں و کشمیر کی حکومتوں سے مشاورت کی جائے۔