آئی سی سی ٹی ٹونٹی ورلڈکپ کی فاتح ٹیم بھارت کی وکٹری پریڈ دیکھنے پورا ممبئی اُمڈ آیا، سمندر کنارے ناقابلِ یقین مناظر نے سب کو حیران کردیا۔
گزشتہ روز بھارتی کرکٹ ٹیم کی جانب سے میرین ڈرائیو سے وانکھیڈے کرکٹ اسٹیڈیم تک بس پر وکٹری پریڈ کرنے کا فیصلہ کیا گیا تھا۔ بھارتی ٹیم کو شائقین کے جمِ غفیر کے باعث ممبئی ایئرپورٹ سے بس تک جانے میں مشکلات کا سامنا کرنا پڑا۔
چیمپئنز ٹرافی ، پاک بھارت میچ یکم مارچ کو لاہور میں کھیلا جائے گا، بھارتی میڈیا کا دعوی
میرین ڈرائیو پر بھارتی ٹیم کے کھلاڑیوں کی وکٹری پریڈ ہوئی تو ہزاروں شائقین کرکٹ بھارتی کھلاڑیوں کی ایک جھلک دیکھنے میرین ڈرائیو پر پہنچ گئے۔ بھارتی کپتان روہت شرما اور ویرات کوہلی نے ٹرافی اٹھا کر شائقین کا شکریہ ادا کیا۔