تحریک انصاف کے رہنما عمر ایوب نے کہا ہے کہ عدت نکاح کیس میں سزا معطلی کے فیصلے کو ہائیکورٹ میں چیلنج کریں گے۔
ان کا کہنا تھا کہ ہم اس فیصلے کی مذمت کرتے ہیں، قیدیوں کے رہا ہونے تک کوئی بات چیت نہیں ہو گی۔
دوران عدت نکاح کیس، بانی پی ٹی آئی اور بشریٰ بی بی کی سزا معطلی کی اپیلیں مسترد
بانی پی ٹی آئی اور بشریٰ بی بی کی سزا معطلی کی درخواستیں مسترد ہونے پر عمر ایوب کا کہنا تھا کہ ہماری تحریک تیزی سے آگے چلے گی ہر جگہ مظاہرہ کریں گے۔
یادرہے کہ بانی پی ٹی آئی اور ان کی اہلیہ کے خلاف دوران عدت نکاح کیس میں سزا معطلی کے خلاف درخواستوں پر فیصلہ سنا یا گیا۔
ایڈیشنل سیشن جج افضل مجوکا نے فیصلہ سناتے ہوئے بانی پی ٹی آئی اور بشریٰ بی بی کی سزا معطلی کی اپیلیں مسترد کر دیں۔