اسلام آباد ہائیکورٹ کے حکم پر پاکستان تحریک انصاف کا مرکزی سیکرٹریٹ ڈی سیل کر دیا گیا۔
اسلام آباد ہائیکورٹ کے جسٹس سردار اعجاز اسحاق خان نے بیلف مقرر کرکے آفس ڈی سیل کرنے کا حکم دیا تھا جس کے بعد بیلف نے پی ٹی آئی کا دفتر ڈی سیل کرایا۔
یاد رہے گزشتہ ماہ سی ڈی اے نے انسداد تجاوزات آپریشن کرتے ہوئے پی ٹی آئی سیکرٹریٹ کا ایک حصہ گراکر دفتر سیل کر دیا تھا جس پر پی ٹی آئی وکلاء نے عدالت سے رجوع کیا تھا۔
خیبرپختونخوا: پی ٹی آئی کا صوبائی سیکرٹریٹ غیر فعال کر دیا گیا
تحریک انصاف کی درخواست پر اسلام آباد ہائیکورٹ نے پی ٹی آئی کا مرکزی سیکرٹریٹ فوری ڈی سیل کرنے کا حکم دیا تھا۔
ذرائع کے مطابق سیکرٹریٹ ڈی سیل ہونے کے بعد بیرسٹر گوہر، رؤف حسن اور دیگر پی ٹی آئی قیادت پہنچے گی۔ مرکزی سیکرٹریٹ میں آج 6 بجے قرآن خوانی کروائی جائے گی۔