نیو یارک میں ہائی وولٹیج مقابلہ جاری ہے جہاں بھارت کے اوپنرز محض 19 رنز پر پویلین لوٹ گئے۔
نسیم شاہ نے اپنے پہلے ہی اوور کی تیسری گیند پر ویرات کوہلی کو 4 رنز پر آئوٹ کردیا،عثمان خان نے پوائنٹ پر کوہلی کا کیچ پکڑا۔
ویرات کوہلی آئوٹ ہونے پر مایوسی کے عالم واپس پویلین لوٹتے ہوئے۔
بھارتی کپتان روہت شرما 13 رنز بنا کر کیچ آئوٹ ہوگئے، ان کی وکٹ شاہین شاہ آفریدی نے حاصل کی۔
بھارتی کپتان روہت شرما کی وکٹ حاصل کرنے پر شاہین شاہ آفریدی ساتھی کھلاڑیوں سے داد وصول کرتے ہوئے۔
بھارت کی 58 کے اسکور پر تیسری وکٹ گر گئی، نسیم شاہ کی گیند پر اکشر پٹیل 20 رنز بنا کر کلین بولڈ ہوئے۔
بھارت نے10 اوورز میں 81 رنز بنالئے جبکہ اس کے 3 کھلاڑی آؤٹ ہوئے۔
قبل ازیں پاکستان نے ٹاس جیت کر پہلے بائولنگ کرنے کا فیصلہ کیا۔پاکستان کرکٹ ٹیم میں اعظم خان کی جگہ عماد وسیم کو شامل کیا گیا ہے ، ٹاس جیتنے کے بعد کپتان بابر اعظم کا کہنا تھا ٹیم میں 4فاسٹ بالر شامل ہیں،آج کے میچ میں بہترین کارکردگی دکھائیں گے۔
ماضی ماضی ہے ،آج کےمیچ پر فوکس ہے،آج نیا دن ہے ،100فیصد کارکردگی دکھائیں گے، کل کا دن بھول جائیں۔
دوسری جانب بھارتی کپتان روہت شرما کا کہنا تھا پہلے بیٹنگ کرنا ہمارے لیے بڑ ا چیلنج ہوگا، اچھااسکور کرنے کی کوشش کریں گے،ہر میچ ہمارے لیے اہم ہے،ہماری ٹیم میں کوئی تبدیلی نہیں کی گئی۔