ملکی سیاست کیلئے تین ماہ اہم ، شہباز شریف قومی اسمبلی تحلیل کر سکتے ہیں ، منظور وسان

پیپلز پارٹی کے رہنما منظور وسان نے ایک مرتبہ پھر ملکی سیاست سے متعلق پیشنگوئی کرتے ہوئے کہا ہے کہ ملکی سیاست کے لیے 3 ماہ بڑے اہم ہیں۔

منظور وسان نے کہا کہ موجودہ سیٹ اپ میں نواز شریف وزیرِ اعظم نہیں بن سکتے، ہو سکتا ہے شہباز شریف 3 ماہ کے اندر قومی اسمبلی تحلیل کر دیں۔

منظور وسان نے نگران حکومت سے متعلق پھر خواب دیکھ لیا

انہوں نے کہا کہ قومی اسمبلی تحلیل ہونے کے بعد جو بھی سیٹ اپ آئے گا دیکھا جائے گا، باقی صوبائی اسمبلیاں موجود رہیں گی۔ بانی پی ٹی آئی اور دیگر سیاستدانوں کے لیے حالات اچھے نہیں دیکھ رہا۔

انہوں نے کہا کہ ریلیف ملتے بھی ہیں اور واپس بھی ہو جاتے ہیں، بانی پی ٹی آئی خوش فہمی میں نہ رہیں۔ یہ حالات ملک اور سابق چیئرمین پی ٹی آئی کیلئے اچھے نہیں۔