عوام اٹھ کھڑے ہوں ، انتخابات نظر آ رہے ہیں ، عمر ایوب

تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا ہے کہ کچے کے ڈاکوؤں سے زیادہ زہریلے پکے کے ڈاکو ہیں، 450 ارب کھا جاؤ اور کہو پوچھ گچھ بھی نہ ہو۔

گوجرانوالہ میں میڈیا سے گفتگو کرتے ہوئے عمر ایوب نے کہا کہ مجھے  الیکشن نظر آرہا ہے، عوام اٹھ کھڑے ہوں۔

ججز کی حق گوئی پر سلام، بانی پی ٹی آئی جلد ہمارے درمیان ہوں گے، عمر ایوب

انہوں نے کہا کہ بجٹ میں کیا پیش کریں گے جو مہنگائی آ رہی ہے آپ سوچ نہیں سکتے، آزاد کشمیر کو  3 ارب نہیں دیئے  وہاں جو ہوا ، دنیا نے انگلیاں اٹھائیں، وہاں جس طرح ہوا پاکستان میں بھی وہی ہو گا۔

اپوزیشن لیڈر کا کہنا تھا کہ عمران خان، بشریٰ بی بی اور  شاہ محمودسمیت سب کو رہا کیا جائے، ہم  مقدمات بھگت لیں گے مگر اپنے مؤقف سے پیچھے نہیں ہٹیں گے۔