امریکہ اور ویسٹ انڈیز میں جاری آئی سی سی ٹی20 ورلڈ کپ میں پاکستان اور امریکہ کے درمیان میچ آج کھیلا جا رہا ہے۔
ہدف کے تعاقب امریکہ کی بیٹنگ جاری ہے۔ امریکہ نے 19 اوورز میں تین وکٹوں کے نقصان پر 145 رنز بنائے ہیں۔
پاکستان کی اننگز
امریکہ نے ٹاس جیت کر پاکستان کو بیٹنگ کی دعوت دی تو پاکستان نے مقررہ 20 اوورز میں 7 وکٹوں کے نقصان پر 159 رنز بنائے۔ کپتان بابر اعظم 44 اور شاداب 40 رنز کے ساتھ نمایاں رہے جبکہ محمد رضوان 9، عثمان خان 3 اور فخر زمان 11 رنز بناکر پویلین لوٹے جبکہ شاداب 40 اور اعظم خان صفر پر آؤٹ ہوئے۔
امریکا کے خلاف پاکستانی بیٹرز کو مشکلات کی زد میں رہے تاہم پاکستان کے چھے بلے باز 125 رنز پر پویلین لوٹ گئے۔
پاکستان کے تین ٹاپ آرڈر بیٹرز پاورر پلے میں 26 رنز کے مجموعی اسکور پر آؤٹ ہوئے۔
جمعرات کو ڈیلس کے گرینڈ پرائرے سٹیڈیم میں دونوں ٹیمیں پہلی مرتبہ ایک دوسرے کے خلاف ٹی20 میچ میں آمنے سامنے ہیں۔
پاکستانی ٹیم آج ایونٹ میں اپنا پہلا میچ کھیل رہی ہے جبکہ امریکی ٹیم دوسری مرتبہ ایکشن میں ہے۔
اس سے قبل ایونٹ کے پہلے میچ میں امریکہ نے کینیڈا کو سات وکٹوں سے شکست دے دی تھی۔
ویب سائٹ ویدر ڈاٹ کام کے مطابق میچ کے دوران ڈیلس کا موسم صاف رہے گا۔
دھوپ کے باعث میچ کے دوران گرینڈ پرائرے سٹیڈیم کا درجہ حرارت 35 سینٹی ڈگری گریڈ تک رہنے کا امکان ہے۔
پاکستانی ٹیم کے بارے میں بری خبر یہ سامنے آئی ہے کہ آل راؤنڈر عماد وسیم انجری کے باعث امریکہ کے خلاف میچ سے باہر ہوگئے ہیں۔
پاکستان کا سکواڈبابر اعظم (کپتان)، صائم ایوب، محمد رضوان (وکٹ کیپر)، فخر زمان، افتخار احمد، اعظم خان، شاداب خان، عماد وسیم، حارث رؤف، شاہین آفریدی، نسیم شاہ، محمد عامر، عباس آفریدی، عثمان خان، ابرار احمد۔
امریکہ کا سکواڈسٹیون ٹیلر، موننک پٹیل (کپتان، وکٹ کیپر)، آندریز گوس، ایرون جونز، کورے اینڈرسن، نتیش کمار، ہرمیت سنگھ، شیڈلی وین شاک ویک، جسدیپ سنگھ، علی خان، ساؤربھ نیٹراوالکر، میلیند کمار، نوستھوش کینجینگے، نیسرگ پٹیل، شایان جہانگیر۔