امریکہ اور ویسٹ انڈیز میں جاری آئی سی سی ٹی20 ورلڈ کپ میں پاکستان اور امریکہ کے درمیان میچ آج کھیلا جا رہا ہے۔
پاکستان کی 22 رنز پر دو وکٹیں گر چکی ہیں۔ پاکستان کو پہلا نقصان محمد رضوان کی صورت میں اس وقت ہوا جب محمد رضوان نو رنز بنا کر آؤٹ ہوئے جبکہ اس کے بعد عثمان خان تین اور فخر زمان 11 رنز بنا کر آؤٹ ہو گئے۔
اس سے قبل امریکہ نے ٹاس جیت کر پاکستان کے خلاف فیلڈنگ کا فیصلہ کیا تھا۔
جمعرات کو ڈیلس کے گرینڈ پرائرے سٹیڈیم میں دونوں ٹیمیں پہلی مرتبہ ایک دوسرے کے خلاف ٹی20 میچ میں آمنے سامنے ہیں۔
پاکستانی ٹیم آج ایونٹ میں اپنا پہلا میچ کھیل رہی ہے جبکہ امریکی ٹیم دوسری مرتبہ ایکشن میں دکھائی دے گی۔
اس سے قبل ایونٹ کے پہلے میچ میں امریکہ نے کینیڈا کو سات وکٹوں سے شکست دے دی تھی۔
ویب سائٹ ویدر ڈاٹ کام کے مطابق میچ کے دوران ڈیلس کا موسم صاف رہے گا۔
دھوپ کے باعث میچ کے دوران گرینڈ پرائرے سٹیڈیم کا درجہ حرارت 35 سینٹی ڈگری گریڈ تک رہنے کا امکان ہے۔
پاکستان اور امریکہ کے درمیان میچ پاکستانی وقت کے مطابق رات ساڑھے 8 بجے کھیلا جائے گا۔
پاکستانی ٹیم کے بارے میں بری خبر یہ سامنے آئی ہے کہ آل راؤنڈر عماد وسیم انجری کے باعث امریکہ کے خلاف میچ سے باہر ہوگئے ہیں۔
پاکستان کا سکواڈبابر اعظم (کپتان)، صائم ایوب، محمد رضوان (وکٹ کیپر)، فخر زمان، افتخار احمد، اعظم خان، شاداب خان، عماد وسیم، حارث رؤف، شاہین آفریدی، نسیم شاہ، محمد عامر، عباس آفریدی، عثمان خان، ابرار احمد۔
امریکہ کا سکواڈسٹیون ٹیلر، موننک پٹیل (کپتان، وکٹ کیپر)، آندریز گوس، ایرون جونز، کورے اینڈرسن، نتیش کمار، ہرمیت سنگھ، شیڈلی وین شاک ویک، جسدیپ سنگھ، علی خان، ساؤربھ نیٹراوالکر، میلیند کمار، نوستھوش کینجینگے، نیسرگ پٹیل، شایان جہانگیر۔