سابق کپتان وسیم اکرم نے ٹی ٹوئنٹی ورلڈکپ 2024 کیلئے اپنی 4 سیمی فائنلسٹ ٹیموں کے نام بتادئیے ہیں۔
سوئنگ کے سلطان کا کہنا تھا میری فیورٹ ٹیم آسٹریلیا ہے، اس کے بعد بھارت، پاکستان اور ویسٹ انڈیز ہے جب کہ جنوبی افریقا اور سری لنکا بھی اچھی ٹیمیں ہیں۔
عادل راجہ کی 10 ہزار پاؤنڈ جرمانہ معافی کی اپیل مسترد
ایک سوال کے جواب میں سابق کپتان نے کہا کہ پاکستان ٹیم کیلئے خطرہ تو آئرلینڈ بھی ہوسکتی ہےکیونکہ یہ ٹی ٹوئنٹی گیم ہے، ایک اچھا اسپیل بھی گیم کا پانسہ پلٹ سکتا ہے، امریکا کی ٹیم بھی ایک اچھی ٹیم ہے۔
انہوں نے مزید کہا پاکستان اور انگلینڈ کی سیریز کے نتائج سے کوئی خوش نہیں کیونکہ 4 میں سے 2 میچ ہوئے نہیں اور یوں لگ رہا تھا جیسے جو میچ ملے ہارجاؤ لیکن اب امید ہے کہ یہ ٹیم ورلڈکپ میں جاکر بہتر پرفارمنس دیگی۔
خوشاب میں آسمانی بجلی گر نے سے 2 بھائی جاں بحق
دوسری جانب قومی ٹیم کے سابق کپتان سلمان بٹ پاکستانی ٹیم کے کھلاڑیوں پر بے جا تنقید سے ناراض ہو گئے۔ایک انٹرویو میں سابق اوپنر سلمان بٹ کا کہنا تھا کہ قومی ٹیم کے کے خلاف باتیں وہ سابق کرکٹرز کررہے ہیں جنہوں نے زندگی میں کبھی 15پلس اسکور نہیں کیا، باقی وہ لوگ ہیں جن کا کرکٹ سے کوئی تعلق نہیں۔
ان کا کہنا تھا کہ اسٹرائیک ریٹ بڑھانا ایک پروسس کے ذریعے ہوتا ہے، جب آپ مسلسل کھیلتے ہیں تو آپ سیکھتے ہیں اور یہ آپ کی میموری کا حصہ بن جاتا ہے، اسی طرح جب آپ پریشر میں ہوتے ہیں تو بال نہیں دیکھتے نہ گیپ تلاش کرتے ہیں بلکہ وہ خود آپ سے ایسے شارٹس لگواتا ہے۔
سولر سسٹم پر ٹیکس لگانے سے متعلق کوئی بات نہیں ہوئی،علی پرویز ملک
سلمان بٹ کا کہنا تھا کہ بدقسمتی سے ہم اس پروسس پر کام نہیں کررہے، ہم سنی سنائی باتوں پر چل رہے ہیں،سابق کرکٹرز تنقید کررہے ہیں تو طریقہ بھی بتائیں کہ کیسے اسٹرائیک ریٹ بہتر ہوگا،انہیں معلوم ہے کہ اسٹرائیک ریٹ بہتر کرنا ایک دن کا کام نہیں۔
وسیم اکرم کبھی شعیب اختر نہیں بن سکتے کیونکہ انکی صلاحیت ہے، اسی طرح ثقلین مشتاق، عبدالقادر نہیں بن سکتے،سابق اوپنر نے کہا کہ بابر بالکل درست کہہ رہا ہے کہ وہ نہ صائم بن سکتا ہے نہ صائم بابراعظم۔
ملک میں مزید بارشیں ہونگی ،محکمہ موسمیات نے پیشگوئی کردی
اس کی وجہ یہ ہے کہ وہ 10میں 9اننگز میں اسکور کرے گا جو کوہلی بھارت کیلئے کرتا ہے لیکن وہ یوراج یا سوریا کمار یادیو نہیں بن سکتا۔
سلمان بٹ نے کہا کہ ہمارے لوگ چاہتے ہیں کہ بابر ڈانس کرے تو مائیکل جیکسن، گانا گائے تو نور جہاں لگے تو ایسا ہونہیں سکتا۔