فیفا ورلڈ کپ 2026 کے کوالیفائر راؤنڈ 2 میچوں کیلئے پاکستان فٹ بال سکواڈ کا اعلان

اسلام آباد۔4جون (اے پی پی):پاکستان فٹ بال فیڈریشن (پی ایف ایف) نے سعودی عرب اور تاجکستان کے خلاف فیفا ورلڈ کپ 2026 ء کے کوالیفائر راؤنڈ 2 میچوں کے لئے حتمی سکواڈ کا اعلان کر دیا ہے۔پاکستان کا سعودی عرب کے ساتھ مقابلہ 6 جون جمعرات کو جناح سٹیڈیم میں ہوگا جس کے بعد 11 جون کو تاجکستان کے خلاف دوشنبہ، تاجکستان کے خلاف میچ کھیلا جائے گا

جس میں ڈائس پورہ (ڈی) کھلاڑی پہلے ہی ٹیم میں شامل ہوچکے ہیں۔سکواڈ میں گول کیپرز یوسف بٹ (ڈی)، ثاقب حنیف اور حسن علی،ڈیفنڈرز میں عبداللہ اقبال (ڈی)، محمد فضل (ڈی)، حسیب خان، راؤ عمر حیات، مامون موسیٰ، محمد صدام، وقار احتشام، معین احمد اور عبدالرحمان شامل ہیں۔ مڈ فیلڈرز راحیس نبی (ڈی)، اوٹس خان (ڈی)، علی عزیر، عمیر علی، توقیر الحسن، عالمگیر غازی اور علی ظفر جبکہ فارورڈز کھلاڑیوں میں عمران کیانی (ڈی)، میک کیل عبداللہ، فرید اللہ، عدیل یونس اور شائق دوست شامل ہیں۔پاکستان کو گروپ جی میں سعودی عرب، اردن اور تاجکستان کے ساتھ رکھا گیا ہے۔