غزہ: اسرائیلی افواج کی شجاعیہ میں حملے، 40 سے زائد فلسطینی شہید

سچ ٹی وی  |  Jun 04, 2024

غزہ پر اسرائیلی افواج کے جارحانہ حملوں میں مزید 40 سے زائد فلسطینی شہید ہوگئے۔ دوسری جانب جنوبی لبنان سے مزاحمتی تنظیم حزب اللہ نے شمالی اسرائیل میں درجنوں راکٹ فائر کردیے، اسرائیل کے سرحدی علاقے کریات شمونہ میں راکٹ حملوں سے مختلف مقامات پر آگ بھڑک اٹھی۔

اسرائیلی ٹینکوں نے خان یونس اور شمالی غزہ کے علاقے شجاعیہ میں پیش قدمی شروع کر دی ہے جبکہ اسرائیلی طیاروں کی خان یونس اور شمالی غزہ کے مکانات پر بمباری سے خواتین بچوں سمیت 10 فلسطینی شہید ہوئے۔

ادھر رفح میں بھی اسرائیلی حملوں کا سلسلہ جاری رہا، گزشتہ 24 گھنٹوں کے دوران مزید 40 سے زائد فلسطینی شہید ہوگئے۔ اسرائیلی فوجی آپریشن کے بعد تباہ شدہ جبالیا اور بیت حنون کے علاقوں کو آفت زدہ قرار دے دیا گیا ہے۔

دوسری جانب جنوبی لبنان سے مزاحمتی تنظیم حزب اللہ نے شمالی اسرائیل میں درجنوں راکٹ فائر کردیے، اسرائیل کے سرحدی علاقے کریات شمونہ میں راکٹ حملوں سے مختلف مقامات پر آگ بھڑک اٹھی۔

ادھر جرمنی میں اقوام متحدہ کی ماحولیاتی کانفرنس میں فلسطین کے حامیوں نے احتجاجی مظاہرہ کیا۔

مظاہرین فلسطینی پرچم اور "نسل کشی کے دوران کاروبار نہیں" کا بینر اٹھا کر اسٹیج پر چڑھ گئے۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More