پولینڈ میں جاری ایف آئی ایچ نیشنز ہاکی کپ میں پاکستان نے کینیڈا کو یکطرفہ مقابلے میں ایک کے مقابلے میں آٹھ گول سے شکست دے دی۔ پاکستان کی جانب سے رانا وحید اشرف نے چار گول کیے، غضنفر علی نے دو جبکہ حنان شاہد اور عبدالرحمان نے ایک، ایک گول کیا۔
کھیل شروع ہوا تو کینیڈا نے شان ڈیوس نے میچ کے دوسرے منٹ میں ہی گول کر کے اپنی ٹیم کو برتری دلا دی تاہم ساتویں منٹ میں رانا وحید اشرف نے ایک خوبصورت گول کے ذریعے سکور برابر کر دیا۔
دوسرے کوارٹر میں میچ کے 27ویں منٹ میں رانا وحید اشرف نے دوسرا گول کر دیا اور پاکستان کو 2-1 کی برتری حاصل ہوگئی۔ اس کے بعد میچ کے 36ویں منٹ پر غضنفر علی تیسرا گول کیا۔
میچ کے 51ویں منٹ میں عبدالرحمان اور 53ویں منٹ میں حنان شاہد نے گول کر کے پاکستان کی برتری مزید مستحکم کر دی۔
میچ کے آخری منٹ میں رانا وحید اشرف اور غضنفر علی نے دو گول کر دیے۔ (فوٹو: آئی ایچ ایف)
میچ کے آخری لمحات میں 58ویں منٹ میں رانا وحید اشرف نے چھٹا گول کر کے اپنی ہیٹ بھی مکمل کر لی۔
میچ کے آخری لمحات میں رانا وحید اشرف اور غضنفر علی نے مزید دو گول کر دیے۔
پاکستان اور کینیڈا کے درمیان میچ کل پاکستانی وقت کے مطابق شام چار بجے کھیلا جانا تھا، تاہم موسلا دھار بارش کے باعث یہ میچ ملتوی کر دیا گیا تھا۔اس سے قبل پاکستان اور ملائیشیا کے درمیان کھیلا گیا میچ چار چار گول سے برابر ہوگیا تھا۔ یہ ٹورنامنٹ میں پاکستان کا پہلا میچ تھا۔گنزیزنو میں کھیلے گئے اس میچ میں پاکستان کی جانب سے عبدالرحمان، سفیان خان، حنان شاہد اور ابوبکر محمود نے گول کیے۔اس ٹورنامنٹ میں مجموعی طور پر 9 ٹیمیں شامل ہیں جنہیں دو گروپوں میں تقسیم کیا گیا ہے۔گروپ اے میں میزبان پولینڈ، جنوبی کوریا، آسٹریا، نیوزی لینڈ اور جنوبی افریقہ شامل ہیں جبکہ گروپ بی میں پاکستان، فرانس، ملائیشیا اور کینیڈا شامل ہیں۔خیال رہے کہ پاکستانی ٹیم ایونٹ میں اپنا آخری میچ 5 جون کو فرانس کے خلاف کھیلے گی۔واضح رہے کہ پاکستان ہاکی ٹیم نے کچھ عرصہ قبل ملائیشیا میں سلطان اذلان شاہ کپ میں اچھی کارکردگی کا مظاہرہ کیا لیکن وہ فائنل میں جاپان کے خلاف شاندار کھیل کے بعد پنالٹی سٹروک پر ہار گئی تھی۔اذلان شاہ ہاکی کپ میں پاکستانی ٹیم کا فائنل تک پہنچنا ایک خوش آئند پیش رفت کے طور پر دیکھا گیا کیونکہ 13 برس میں پہلی مرتبہ یہ ٹیم فائنل کھیل رہی تھی۔اس وقت پولینڈ میں جاری نیشنز کپ بھی کافی اہمیت کا حامل ہے کیونکہ اس میں جیتنے والی ٹیم کو ایف آئی ایچ ہاکی پرو لیگ کے سیزن 2024-25 میں کھیلنے کا موقع ملے گا۔