سعودی عرب میں حج پرمٹ کے قانون کا آغازکردیا گیا، خلاف ورزی پر 10 ہزار ریال جرمانہ

ریاض ۔2جون (اے پی پی):سعودی عرب میں حج پرمٹ کے قانون کا آغازکردیا گیا جو 14 ذوالحجہ تک جاری رہے گا۔العربیہ کے مطابق وزارت داخلہ کا کہنا ہے کہ اس دوران کسی کو بھی پرمٹ کے بغیرمکہ مکرمہ میں داخل ہونے کی اجازت نہیں ہے۔ قانون نافذ کرنے والے ادارے کے اہلکاروں کے طلب کرنے پر حج پرمٹ دکھانا ضروری ہے۔

پرمٹ نہ ہونا قانون کی خلاف ورزی شمار کی جاتی ہے جس پرسخت سزا مقرر ہے۔وزارت داخلہ کا کہنا ہے کہ خلاف ورزی کرنے والا خواہ سعودی شہری ہو یا غیرملکی بغیر کسی استثنی نے قانونی طورپرسزا کا مستحق ہوگا۔پرمٹ کے بغیر جانے پر دس ہزار ریال جرمانہ مقرر ہے۔ وہ افراد جو غیرقانونی طورپر لوگوں کو مکہ مکرمہ لے جانے کی کوشش کرتے ہیں وہ بھی قانون شکنی کے زمرے میں شامل ہیں۔