ٹی 20 ورلڈ کپ، کینیڈا کا امریکہ کو 195 رنز کا ہدف

امریکہ کے شہر ڈیلس میں کھیلے جارہے گروپ اے کے میچ میں امریکہ کے کپتان مونانک پٹیل نے ٹاس جیت کر کینیڈا کو پہلے بیٹنگ کی دعوت دے دی۔

اس موقع پر امریکہ کے کپتان مونانک پٹیل نے کہا کہ پہلے فیلڈنگ کا فیصلہ وکٹ دیکھ کر کیا۔

انہوں نے کہا کہ ہدف کو حاصل کریں گے اور پہلی اننگ میں وکٹ بولرز کو مدد فراہم کرے گی۔

دوسری جانب کینیڈین کپتان سعد ظفر نے کہا کہ وکٹ اچھی ہے اور پہلے بیٹنگ کرنے میں کوئی مسئلہ نہیں ہے۔

انہوں نے کہا کہ یہ ورلڈ کپ ہے،دو طرفہ سیریز نہیں۔ اس لیے دباؤ رہے گا، پر اعتماد ہیں ہم اچھی کارکردگی کا مظاہرہ کریں گے۔

کینیڈین کپتان نے کہا کہ یہ ہمارے لیے تاریخی دن ہے، پہلی بار ٹورنامنٹ میں کھیل رہے ہیں۔ امید ہےجیت جائیں گے۔

ٹاس کے بعد آئی سی سی ٹی ٹوئنٹی ورلڈ کپ کی مختصر سی افتتاحی تقریب بھی ہی جس میں گراؤنڈ میں کینیڈا اور امریکا کے پرچم کے ساتھ قومی ترانے بجائے گئے اور آتش بازی کا مظاہرہ بھی کیا گیا۔