ٹی ٹوئنٹی ورلڈ کپ 2024 میں پاکستانی اسکواڈ سے باہر ہونے والے قومی فاسٹ بولر حسن علی نے معنی خیز پوسٹ شیئر کر دی۔
قومی کرکٹر کو انسٹا پوسٹ پر پوسٹ کی گئی تصویر میں برطانیہ کی سڑکوں پر پوز دیتے ہوئے دیکھا جاسکتا ہے۔ حسن علی نے اپنی تصویر کی کیپشن میں لکھا کہ خوشی ایک رویے کا نام ہے، ہم یا تو خود کو دکھی کرسکتے ہیں یا پھر خوش رہ کر خود کو مضبوط بنا سکتے ہیں۔
اسلام آباد پولیس نے ویتنام کے سفیر کی اہلیہ کو تلاش کرلیا
حسن علی نے لکھا دونوں ہی صورتوں میں ایک جتنی ہی محنت کرنی پڑے گی۔ اس کے ساتھ ہی انہوں نے اپنی جرسی کا نمبر 32 بطور ہیش ٹیگ استعمال کیا۔ قومی فاسٹ بولر کی پوسٹ کے کمنٹس باکس میں تبصرہ کرنیوالے صارفین نے نیک خواہشات کا اظہار کیا اور جلد ان کی قومی ٹیم میں واپسی کی خواہش بھی ظاہر کی۔