متحدہ عرب امارات، پٹرول اور ڈیزل کے نرخوں میں کمی

ابوظہبی ۔1جون (اے پی پی):متحدہ عرب امارات میں رواں ماہ کے لیے پٹرول اور ڈیزل کے نرخوں میں کمی کا اعلان کیا گیا ہے ۔ اردو نیوز کے مطابق فیول پرائس کمیٹی کے مطابق نئی قیمتوں کا اطلاق (آج) یکم جون سے ہوگا۔ نئی قیمتوں کے مطابق پٹرول سپر 98 جومئی میں 3.34 درہم فی لیٹر فروخت کیا جا رہا تھا میں کمی کر کے 3.14 درہم فی لیٹر کر دیا گیا ہے ۔

اسی طرح سپیشل 95 کی قیمت3.22 درہم کی بجائے اب 3.02 درہم فی لیٹر مقرر کی گئی ہے۔ای پلس 91 اب 2.95 فی لٹر میں دستیاب ہوگا۔ ڈیزل کی نئی قیمت 2.88 درہم فی لیٹر ہوگی۔، جو مئی میں 3.07 درہم فی لیٹر تھی۔