سابق اداکارہ زینب جمیل نے کہا ہے کہ پولیس نے اب تک شوہر کو گرفتار نہیں کیا ہے۔
قاتلانہ حملے میں زخمی ہونے والی سابق ماڈل و اداکارہ کا کہنا تھا کہ 4 دن گزر گئے تمام ثبوت اور بیان دے چکی ہوں لیکن پولیس نے حملے میں ملوث شوہر کو ابھی تک گرفتار نہیں کیا۔
ذرائع کے مطابق لاہور میں حملے میں زخمی ہونے والی زینب جمیل کو حملے سے چند روز قبل بذریعہ بے نامی خط قتل کی دھمکی بھی ملی تھی، خط میں مبینہ طور پر خاتون پر اس کے شوہرکی جانب سے حملے کا ذکر ہے۔
ثنا نواز نے پرسکون زندگی گزارنے کا نسخہ بتا دیا
دوسری جانب زینب جمیل نے انصاف کا مطالبہ کرتے ہوئے کہا ہے کہ 4 روز ہوچکے، تمام ثبوت اور بیان دے چکی ہوں لیکن پولیس نے حملے میں ملوث شوہر کو ابھی تک گرفتارنہیں کیا۔
مزید برآں پولیس نے سابق ماڈل و اداکارہ کے ڈرائیور سمیت دو افراد کو حراست میں لے رکھا ہے۔واضح رہے کہ چند روز قبل سابق اداکارہ اور ماڈل زینب جمیل پر لاہور میں قاتلانہ حملے کا مقدمہ دو نامعلوم افراد کے خلاف درج کیاگیا تھا۔