پاکستان اور انگلینڈ کی خواتین کرکٹ ٹیموں کے درمیان دوسرا ون ڈے میچ بارش کی وجہ سے بے نتیجہ ختم

ٹاؤنٹن۔26مئی (اے پی پی):پاکستان اور انگلینڈ کی خواتین کرکٹ ٹیموں کے درمیان سیریز کا دوسرا ون ڈے میچ بارش کی وجہ سے بے نتیجہ ختم کر دیا گیا۔ یہ سیریز آئی سی سی ویمنز چیمپئن شپ کا حصہ ہے لہذا دونوں ٹیموں کو ایک ، ایک پوائنٹ مل گیا، اس طرح پاکستان کے اب چیمپئن شپ میں 17 پوائنٹس ہو گئے ہیں، یہ پاکستان کی اس چیمپئن شپ میں آٹھویں اور آخری سیریز ہے ،

گزشتہ روز ٹاؤنٹن میں پاکستان ویمن نے ٹاس جیت کر پہلے بیٹنگ کی لیکن ساتویں اوور میں بارش کی وجہ سے کھیل روک دیا گیا ، اس وقت پاکستان نے بغیر کسی نقصان کے 29 رنز بنائے تھے، صدف شمس 18 اور سدرہ امین 7 رنز پر ناٹ آؤٹ تھیں ، تیز بارش اور آئوٹ فیلڈ گیلی ہونے کی وجہ سے میچ دوبارہ شروع نہ سکا ، دونوں ٹیموں کے درمیان سیریز کا تیسرا اور آخری ون ڈے میچ 29 مئی کو چیمسفرڈ میں کھیلا جائے گا۔