شاہین شاہ آفریدی کا قومی کرکٹ ٹیم کا نائب کپتان بننے سے انکار

ورلڈ کپ سکواڈ کے اعلان سے قبل شاہین آفریدی کو پاکستانی ٹی20 ٹیم کی نائب کپتانی کی پیشکش کی گئی تھی، تاہم انہوں نے یہ عہدہ لینے سے انکار کردیا۔

کرک انفو کے مطابق پی سی بی کی سلیکشن کمیٹی نے ٹی20 ورلڈ کپ کے لیے باضابطہ طور پر شاہین آفریدی کو بابر اعظم کے نائب کے طور پر نامزد کیا جسے فاسٹ باؤلر کی طرف سے مسترد کر دیا گیا۔

آئی سی سی کو جمع کروائے گئے ورلڈ کپ سکواڈ میں نائب کپتان نہیں ہے۔

پی سی بی کی سلیکشن کمیٹی نے دیگر متبادلات پر بھی بات کی۔ لیکن شاہین ان کی پہلی پسند تھے۔ شاداب خان کے نام پر بھی غور کیا گیا جو اس سے پہلے نائب کپتان کے طور پر خدمات انجام دے چکے ہیں۔

محمد رضوان کو بابر کے نائب کے طور پر نامزد کرنے پر بھی غور گیا تھا، مگر اسے بھی مسترد کر دیا گیا۔ کمیٹی اس عہدے پر کسی کم عمر کھلاڑی کو مقرر کرنا چاہتی تھی۔