بلینڈر مشین روزانہ استعمال ہونے والی چیز ہے. اس لئے اگر اس میں چھوٹی موٹی چھوٹی موٹی خرابی پیدا ہوجائے تو بنوانے میں کئی دن لگ جاتے ہیں تن تک خاتون خانہ کا کام بڑھ جاتا ہے. اس آرٹیکل میں آپ کو چند ایسے طریقے بتائے جارہے ہیں جن سے آپ گھر بیٹھے بھی اپنی بلینڈر مشین کی کچھ خرابیاں دور کرسکتی ہیں.
اگر گرائنڈر میں مصالحہ اچھی طرح اور باریک نہیں پس رہا تو یقینی طور پر اس کے بلیڈز کی تیزی ختم ہوگئی ہے. اس کو تیز کرنے کے لئے پہاڑی نمک کا چھوٹا ٹکڑا اس میں ڈال کر چلا دیں. تھوڑی دیر میں بلیڈز کی دھار تیز ہوجائے گی اور مصالحہ باریک پسنے لگے گا.
جگ میں اوپر سے پانی گرنے لگے
اگر بلینڈ کرتے ہوئے پانی جگ کے اوپر سے گرنے لگے تو ڈھکن پر بڑا ربر بینڈ چڑھا دیں اور پھر بلینڈر کو بند کریں. اس طرح ڈھکن ٹائٹ رہے گا اور پانی نہیں گرے گا. مزید معلومات کے لئے یہ ویڈیو دیکھیں
جگ نیچے سے رسنے لگے تو
اگر بلینڈر میں نیچے سے پانی رسنے لگے تو اس کا مطلب ہے کہ یا تو یہ اچھی طرح فکس نہیں ہے یا پھر اس کے بلیڈز ڈھیلے ہوگئے ہیں. ان کو اسکرو ڈرائیور کی مدد سے کھول کر دوبارہ اچھی طرح لگا کر ٹائٹ کردیں.