کوئی بھی موسم ہو مچھروں سے چھٹکارا نہیں ملتا. بازار میں ملنے والے گلوب اور لیکوئیڈ ریپیلنٹ ایک تو مہنگے بہت ہوتے ہیں، دوسرے بہت جلدی ختم ہوجاتے ہیں. اتنا ہی نہیں بلکہ اکثر ان کی بو سے لوگوں اور بچوں کو الرجی اور کھانسی کی شکایت بھی ہوتی ہے.
آج ہم اپنے قارئین کو ایسا طریقہ بتائیں گے جس سے گھر میں بغیر کسی اضافی خرچے کے زبردست لیکوئیڈ ریپیلنٹ بن سکتا ہے اور یہ 2 مہینہ آرام سے چلے گا اور سب سے اہم بات کہ اس قدرتی لیکوئیڈ سے کھانسی بھی نہیں ہوگی.
اس کے لئے آدھی پیالی ناریل یا سرسوں کا تیل لیں اور اسے ایک دیگچی میں ڈال کر گرم کریں. نیم کی چند پتیاں ڈال کر دھیمی آنچ پر اتنا پکائیں کہ وہ جل جائیں. اب تیل کو چھان کر دوبارہ دیگچی میں ڈال دیں. چند دانے لونگ اور پیاز کے چھلکے چولہا بند کر کے گرم تیل میں پکائیں اور تیل کو دوبارہ چھان لیں. اس تیل میں آدھا چمچ پسا ہوا کافور ملائیں اور اچھی طرح مکس کر کے مچھر بھگانے والے ریپیلنٹ میں ڈالیں اور آن کر دیں.
اس کو آن کرتے ہی کمرے میں خوشبو پھیل جائے گی اور صرف 10 منٹ میں مچھر سمیت تمام کیڑے مکوڑوں سے آپ کا کمرہ پاک ہوجائے گا.