چلاس کے قریب شاہراہ قراقرم پر سفر کرنے والی بس گہری کھائی میں گرنے سے 20 افراد ہلاک ہو گئے ہیں۔
حادثہ جمعے کی صبح پانچ بجے چلاس کے مقام پشوکل کے قریب پیش آیا۔
مقامی انتظامی حکام کا کہنا ہے کہ حادثے کا شکار ہونے والی بس راولپنڈی سے ہنزہ جا رہی تھی جس میں 35 سے زائد افراد سوار تھے۔
چلاس کے ڈائریکٹر ہیلتھ سروسز دیامر ڈویژن ڈاکٹر شکیل احمد خان کا کہنا ہے کہ حادثے میں 25 افراد زخمی بھی ہوئے ہیں جن کو چلاس ہسپتال منتقل کر دیا گیا ہے۔
حکام کے مطابق حادثے کی اطلاع ملنے کے بعد امدادی ٹیموں کو جائے حادثہ بھیجا گیا اور ریسکیو آپریشن مکمل کر لیا گیا ہے۔