معصوم اور بے گناہوں کا خون بہانے والوں کو کسی صورت معاف نہیں کریں گے،وزیراعلیٰ بلوچستان

کوئٹہ۔ 30 مارچ (اے پی پی):وزیراعلیٰ بلوچستان میر سرفراز بگٹی نے ہرنائی میں بم دھماکے کی مذمت کرتے ہوئے کہا ہے کہ دھماکہ دہشتگردوں کا بزدلانہ وار ہے بلوچستان کے عوام اور سیکورٹی فورسز متحد ہوکرامن دشمنوں کے خلاف کھڑے ہیں،یہاں جاری ایک بیان میں وزیر ا علیٰ نے کہا کہ دہشت اور وحشت پھیلانے والوں کے خلاف جنگ میں فتح امن کی ہوگی ۔

معصوم اوربے گناہوں کا خون بہانے والوں کو کسی صورت معاف نہیں کریں گے۔ میر سرفراز بگٹی نے ہدایت کی کہ اس افسوسناک واقعہ میں زخمی ہونےوالوں کو بہترین طبی سہولیات فراہم کی جائیں۔