و زیر اعلی بلوچستان کاہرنائی کوئلہ کان دھماکے میں قیمتی انسانی جانوں کے ضیاع پردلی افسوس کا اظہار

کوئٹہ۔ 20 مارچ (اے پی پی):و زیر اعلی بلوچستان میر سرفراز بگٹی نے بلوچستان کےعلاقے ہرنائی کوئلہ کان دھماکے میں قیمتی انسانی جانوں کے ضیاع پردلی رنج اور افسوس کا اظہار کیا ہے۔

اپنے بیان میں انہوں نے کہا کہ دکھ کی اس گھڑی میں جاں بحق ہونے والے کانکنوں کے لواحقین کے غم میں برابر کے شریک ہیں۔ ریسکیو آپریشن کے دوران کان میں پھنسے لوگوں کی جانیں بچانے پر امدادی سرگرمیوں میں شامل اداروں کی کارکردگی قابل ستائش ہے ۔

انہوں نے کہا کہ صو بے میں کانکنوں کی حفاظت اور محفوظ کان کنی پر کوئی سمجھوتہ نہیں کیا جاسکتا۔ وزیر اعلی بلو چستان نے کو ئلہ کان حادثے پر رپورٹ بھی طلب کر لی۔