امریکی فضائیہ کا اے جی ایم 183 ہائپر سونک میزائل کا کامیاب تجربہ

واشنگٹن ۔20مارچ (اے پی پی):امر یکی فضائیہ نے اے جی ایم ۔183 ہائپر سونک میزائل کا کامیاب تجربہ کیا ہے۔ تا س کے مطابق اس ہائپر سونگ میزائل کو 17 مارچ کو ایک B-52 سٹریٹجک بمبار سے لانچ کیا گیا جس نے بحر الکاہل میں گوام میں واقع امریکی اینڈرسن ایئر فورس بیس سے ٹیک آف کیا تھا۔

امریکی فضائیہ نے نشاندہی کی کہ وہ ٹیسٹ لانچ کی تفصیلات جاری نہیں کرے گی،اس کا مقصد ہائپر سونک پروگرام کو بڑھانا ہے۔ واضح رہے یہ امریکی فضائیہ کا17 مارچ کو لانچ کیا گیا اے جی ایم 183 پروٹوٹائپ میزائل کا پانچواں تجربہ تھا۔