سعودی عرب ، 15 واں طیارہ 70 ٹن امدادی سامان لے کر یوکرین کے لیے روانہ

اسلام آباد۔20مارچ (اے پی پی):سعودی عرب میں شاہ سلمان ہیومنیٹیرین اینڈ ریلیف سینٹر کے زیر انتظام 15 واں سعودی عرب کا امدادی طیارہ ریاض کے کنگ خالد انٹرنیشنل ایئرپورٹ سے یوکرین کے لیے روانہ ہو گیا ہے۔العربیہ کے مطابق اس طیارے میں 70 ٹن امدادی سامان بھیجا گیا ہے جو یوکرین کی سرحد کے قریب جمہوریہ پولینڈ کے زوسوف ہوائی اڈے کی طرف جا رہا ہے۔

وہاں سے سامان کو یوکرین کے اندر منتقل کیا جائے گا۔ امدادی سامان میں خوراک، جنریٹر، برقی آلات اور بچے کے دودھ شامل ہیں۔سعودی عرب کی طرف سے یہ امدادی طیارہ دنیا بھر کے ضرورت مند افراد کی مدد کے فریم ورک کا حصہ ہے۔