امریکی فضائیہ کے ریپر ڈرون کا زمینی کنٹرول سٹیشن سے رابطہ منقطع، پولینڈ میں ہنگامی لینڈنگ کرنا پڑی

وارسا۔19مارچ (اے پی پی):امریکی فضائیہ کے ریپر ڈرون ایم کیو نائن کا زمینی کنٹرول سٹیشن سے رابطہ منقطع ہونے کے باعث اسے پولینڈ میں ہنگامی لینڈنگ کرنا پڑی ۔ طاس کے مطابق پولش جنرل کمانڈ آف آرمڈ فورسز نے اطلاع دی کہ امریکی فضائیہ کے ایم کیو نائن ریپر ڈرون نے اپنے زمینی کنٹرول سٹیشن سے رابطہ منقطع ہونے کے بعد پولینڈ میں ہنگامی لینڈنگ کی ہے، جو پولینڈ کی فضائی حدود میں پرواز کر رہا تھا ۔

انہوں نے ایکس پر پوسٹ کردہ ایک بیان میں کہا کہ لینڈنگ محفوظ غیر آباد علاقے میں طریقہ کار کے مطابق ہوئی۔ بیان کے مطابق جائے وقوعہ کو سکیورٹی اہلکاروں نے گھیرے میں لے لیا ہے اور واقعے کی تحقیقات جاری ہیں۔