انڈونیشیا، ماہی گیروں کی کشتی الٹنے سے 2 افراد ہلاک، 24 لاپتہ

جکارتہ ۔14مارچ (اے پی پی):انڈونیشیا میں37 افراد کے سوار ہونے والی ماہی گیروں کی کشتی الٹنے کے نتیجے میں 2 افراد ہلاک جبکہ11زخمی ہو گئے ۔

ٹی آرٹی کے مطابق امدادی کارکنوں نے بتایا ہے کہ 9 مارچ کو جکارتہ سے بالی جاتے ہوئے لومبوک جزیرے کے قریب ماہی گیروں کی کشتی بلند سمندری موجوں کی وجہ سے الٹ گئی جس کے نتیجے میں 2 افراد ہلاک جبکہ 11 زخمی ہو گئے۔

امدادی ٹیموں نے2 افراد کی لاشوں اور11 زخمی افراد کو باہر نکال لیا ہے جبکہ دیگر 24 لاپتہ افراد کی تلاش جاری ہے۔