چین،ہوٹل میں مشتبہ گیس دھماکے سے ایک شخص ہلاک ، 22 زخمی

بیجنگ۔13مارچ (اے پی پی):چین کے شمالی صوبے ہیبی کے ایک ہوٹل میں مشتبہ گیس دھماکے سے 1 شخص ہلاک اور 22 زخمی ہو گئے۔

اے ایف پی نے چینی میڈیا کے حوالے سے بتایا کہ دھماکہ بدھ کی صبح 8بجےسانہی شہر کے رہائشی علاقے یانجیائو میں ہوا جس کے باعث ایک شخص ہلاک اور 22 زخمی ہو گئے جبکہ عمارتوں کو بھی شدید نقصان پہنچا۔ سرکاری میڈیا نے بتایا کہ شبہ ہے کہ یہ دھماکہ فرائیڈ چکن شاپ میں گیس کے اخراج کی وجہ سے ہوا ۔