سینئر تجزیہ کار نصراللہ ملک نے انکشاف کیا ہے کہ پاکستان تحریک انصاف کے جو لوگ الیکشن جیت کر اسمبلی میں آئے ہیں ان میں بہت سے ایسے ہیں جو احتجاج میں شامل نہ ہونے کی گارنٹی دے چکے ہیں۔
ہم نیوز کے پروگرام ” ہم دیکھیں گے منصور علی خان کیساتھ” میں گفتگو کرتے ہوئے سینئر صحافی کا کہنا تھا کہ پی ٹی آئی کے ایسے بہت سے لوگ ہیں جنہوں نے گارنٹی دی ہے کہ وہ احتجاج میں شامل نہیں ہونگے ، ان کی طرف سے کہا گیا ہے کہ ہم احتجاج میں حاضری ضرور لگوائیں گے لیکن ہماری طرف سے بھرپور کوشش نہیں کی جائے گی جس سے لگے کہ بہت بڑا احتجاج ریکارڈ کرایا گیا ۔
پیپلز پارٹی کابینہ میں شامل ہونا چاہے گی تو ویلکم کریں گے ، نہال ہاشمی
انہوں نے کہا کہ ان کے اراکین اسمبلی سڑکوں کے احتجاج میں شامل نہیں ہونا چاہتے،دوسری چیز پی ٹی آئی کے جو کارکن تھے جو لبرٹی مارکیٹ اور زمان پارک میں آجاتے تھے وہ سب سختی برداشت نہیں کر سکے ۔ ان میں کوئی بھی ایسا نہیں ہے جو جیل جانے کیلئے تیا رہو ۔
نصراللہ ملک کا کہنا تھا کہ پی ٹی آئی کے کارکنان تیار ہو کر اور گاڑیوں میں بیٹھ اگر انہیں ماحول فراہم کیا گیا تو شاندار مظاہر ہ کر سکتے ہیں اس کے علاوہ کسی احتجاج کے ہونے کا کوئی امکان نہیں ہے ۔