سپریم جوڈیشل کونسل نے سپریم کورٹ کے سابق جج جسٹس مظاہر نقوی کو مس کنڈکٹ کا مرتکب قرار دیتے ہوئے برطرف کرنے کی سفارش کردی ہے۔
سپریم جوڈیشل کونسل کی جانب سے جسٹس مظاہر نقوی کے خلاف دائر درخواست پر تحریری فیصلہ جاری کردیا گیا ہے۔فیصلے میں سپریم جوڈیشل کونسل نے لکھا کہ جسٹس مظاہر نقوی نے اپنے اختیارات کا ناجائز استعمال کیا اور وہ مس کنڈکٹ کے مرتکب ہوئے ہیں۔
تحریری فیصلے میں سپریم جوڈیشل کونسل نے جسٹس مظاہر نقوی کو برطرف کرنے کی سفارش کی اور اپنی رائے منظوری کیلئےصدر مملکت کو ارسال کردی۔
سپریم جوڈیشل کونسل نے اپنے رول 5 میں ترمیم کر دی،سپریم جوڈیشل کونسل کا رول5 ججز کو شہرت سے بالاتر ہونے کا پابند بناتا ہے۔
اعلامیہ میں کہا گیا ہے کہ رول 5 میں ترمیم کے بعد الزامات پر وضاحت دینے کا حق ججز کو دیدیا گیا،ججز کوئی وضاحت جاری کریں تو اسے شہرت حاصل کرنے کیلئے کیا گیا اقدام قرار نہیں دیا جائے گا۔
سپریم جوڈیشل کونسل نے بلوچستان ہائی کورٹ کے ایک جج کو نوٹس جاری کر دیا،کونسل میں دائر شکایت پر ہائی کورٹ کے جج سے جواب طلب کر لیا گیا۔