وزیراعلیٰ پنجاب مریم نواز نے لاہور کے علاقے ویلنشیا ٹاؤن کے قریب پنجاب کا پہلا سرکاری کینسر اسپتال بنانے کا اعلان کر دیا۔
وزیراعلی مریم نواز نے ویلنشیا ٹاؤن کے قریب کینسراسپتال کی مجوزہ سائٹ کا دورہ کیا جہاں انہیں کینسر اسپتال کی سائٹ کے بارے میں بریفنگ دی گئی۔
مریم نواز نے کینسراسپتال کے لئے دنیا بھر سے بہتر ین سپشلائزڈ ڈاکٹرز بلانے اور مریضوں کے تیمارداروں کے لئے ہوٹل بنانے کی ہدایت کی۔
دورہ کے موقع پر گفتگو کرتے ہوئے وزیراعلی مریم نواز کا کہنا تھا کہ پنجاب میں کینسر کے مریضوں کے علاج کیلئے سرکاری اسپتال بنائیں گے۔
پشتونخوا میپ کا محمود اچکزئی کے گھر پر چھاپے کیخلاف آج احتجاج کا اعلان
ان کا کہنا تھا کہ پنجاب کے پہلے سرکاری اسپتال میں کینسر کے مریضوں کا مفت علاج ہو گا، کینسر اسپتال میں مریضوں کے علاج کیلئے بہترین ڈاکٹر اور جدید ترین مشینری لائیں گے۔
اس موقع پر سابق سینیٹر پرویز رشید، اراکین اسمبلی خواجہ سلمان رفیق، خواجہ عمران نذیر، ثانیہ عاشق اور ڈاکٹر عدنان بھی مریم نواز کے ہمراہ تھے۔
چیف سیکرٹری پنجاب، ایس ایم بی آر، سیکرٹری سی اینڈ ڈبلیو، سیکرٹری کو آپریٹو، کمشنر لاہور، ڈی سی لاہور اور دیگر متعلقہ حکام بھی اس موقع پر وزیراعلی پنجاب مریم نواز کے ہمراہ موجود تھے۔