ضلع دیامر میں 36 گھنٹے تک مسلسل بارش ہونے کی وجہ سے شاہراہِ قراقرم پر لینڈ سلائیڈنگ ہوئی جس کے باعث باعث شاہراہ قراقرم متعدد مقامات پر بند ہو گئی، جی بی اسکاؤٹس کی جانب سے ریسکیو آپریشن شروع کیا گیا۔
شاہراہِ قراقرم میں پھنسے مسافروں اور گاڑیوں کو فوری امداد فراہم کرنے کیلئے پاک فوج نے مؤثر کوششیں کیں، اس دوران 2مارچ کو شاہراہِ قراقرم پر راولپنڈی سے گلگت سفر کرنے والا ڈاکٹر فیملی سمیت ریسکیو کیا گیا، اس کے علاوہ مزید مزید 20 گاڑیوں میں پھنسے افراد کو ریسکیو کر کے چلاس منتقل کیا گیا۔
گلگت بلتستان اسکاؤٹس کی جانب سے مسافروں کو کھانے پینے کی اشیا اور ادویات فراہم کی گئیں جبکہ ایف ڈبلیو او اور سول انتظامیہ بھی پاک فوج کے ہمراہ سڑک کلیئرنس آپریشن میں پیش پیش رہی ۔
شاہراہِ قراقرم پر آپریشن مزید موثر بنانے کے لئے ڈرون کی مدد بھی لی گئی۔ پاک فوج اور سول انتظامیہ کی جانب سے بروقت ریسکیو آپریشن کو متاثرہ افرادنے سراہا۔