صدارتی انتخاب کیلئے پیپلز پارٹی کے شریک چیئرمین آصف زرداری اور سنی اتحاد کونسل کے امیدوار محمود اچکزئی نے کاغذات نامزدگی جمع کروا دیئے۔
آصف زرداری کے کاغذات پی پی کے وکیل فاروق ایچ نائیک نے پریذائیڈنگ افسراورچیف جسٹس اسلام آباد ہائیکورٹ جسٹس عامرفاروق کے پاس جمع کروائے۔
الیکشن کمیشن نے صدارتی انتخاب کیلئے پریزائیڈنگ افسران مقرر کردئیے
آصف زرداری صدارت کیلئے ن لیگ اور پیپلز پارٹی کے مشترکہ امیدوار ہیں۔ اُن کے تجویز کنندہ بلاول بھٹو زرداری، اورفاروق ایچ نائیک تائید کنندہ ہیں۔
صدارتی امیدواروں کی فہرست 5 مارچ کو دوپہر ایک بجے آویزاں کی جائے گی جبکہ 9 مارچ کو صبح 10 بجے سے شام 4 بجے تک صوبائی اسمبلیوں میں پولنگ ہو گی۔
الیکشن کے بعد اب وزیراعظم اور صدر کا انتخاب کیسے ہوگا؟
واضح رہے کہ آئین کے مطابق صدارتی انتخاب کا ریٹرننگ افسرچیف الیکشن کمشنرہوتا ہے۔