ملک کے بالائی علاقوں میں زلزلے کے جھٹکے، ریکٹر سکیل پر شدت 3.6 ریکارڈ

اسلام آباد۔29فروری (اے پی پی):ملک کے بالائی علاقوں میں زلزلے کے جھٹکے محسوس کئے گئے، ریکٹر سکیل پر زلزلے کی شدت 3.6 ریکارڈ کی گئی۔ محکمہ موسمیات پاکستان (پی ایم ڈی) کے مطابق جمعرات کو شام 5 بج کر 58 منٹ پر زلزلے کے جھٹکے محسوس کئے گئے۔ زلزلے کا مرکز گلگت سے 56 کلومیٹر جنوب مغرب میں 45 کلومیٹر کی گہرائی میں تھا۔ زلزلے کی وجہ سے کسی جانی یا مالی نقصان کی کوئی اطلاع نہیں ملی۔