الیکشن کمیشن نے این اے 15 مانسہرہ سے انتخابی عذرداری کیس میں مسلم لیگ ن کے قائد نواز شریف کی درخواست خارج کر دی۔الیکشن کمیشن نے این اے 15 مانسہرہ پر دوبارہ الیکشن سے متعلق نواز شریف کی درخواست پر گزشتہ روز فیصلہ محفوظ کیا تھا جو آج بدھ کے روز سنا دیا۔
نواز شریف اور شہباز شریف میں ملاقات، وفاقی کابینہ کیلئے مختلف ناموں پر غور
الیکشن کمیشن نے درخواست خارج کرتے ہوئے نواز شریف کو الیکشن ٹربیونل سے رجوع کرنے کی ہدایت کی ہے۔ علاوہ ازیں الیکشن کمیشن نے ریٹرننگ افسر کو تین دن میں حلقے کا حتمی نتیجہ مرتب کرنے کا حکم دیا ہے۔واضح رہے کہ عام انتخابات میں این اے 15 مانسہرہ سے نواز شریف کو پی ٹی آئی کے حمایت یافتہ آزاد امیدوار شہزادہ گستاسب خان نے شکست دی تھی۔