روپے کے مقابلے میں ڈالر کی قیمت میں مزید کمی ہو گئی ، دوسری جانب اسٹاک مارکیٹ میں زبردست تیزی کا رجحان رہا۔
کاروباری ہفتے کے پہلے روز انٹر بینک میں ڈالر مزید 6 پیسے سستا ہو گیا، جس کے بعد ڈالر کی قیمت 279 روپے 30 پیسے ہو گئی۔
گزشتہ کاروباری ہفتے کے آخری روز ڈالر کا ریٹ 279 روپے ، 36 پیسے پر بند ہوا تھا۔
انٹربینک کے بعد اوپن مارکیٹ میں بھی ڈالر سستا ہو گیا
دوسری جانب اسٹاک مارکیٹ میں کاروبار کے آغاز پر زبردست تیزی دیکھی گئی ، پاکستان اسٹاک ایکسچینج کا 100 انڈیکس 718 پوائنٹس کے اضافے سے 63 ہزار 534 پوائنٹس پر پہنچ گیا۔