ٹیکسلا کچہری کے باہر خاتون پر پولیس کے بیہمانہ تشدد کی تحقیقات مکمل ہونے کے بعد متعلقہ اے ایس آئی کو محکمہ سے برخاست کر دیا گیا۔
تھانہ ٹیکسلا پولیس کو اطلاع ملی تھی کہ جیب تراشی کی وارداتوں میں مطلوب ملزم بصیر ٹیکسلا کچہری کے باہر موجود ہے جس پر پولیس کی نفری نے موقع پر پہنچ کر ملزم بصیر خان کو گرفتار کرنے کی کوشش کی۔
راولپنڈی ، شہری پر تشدد کرنیوالا اے ایس آئی معطل ، گرفتار کر لیا گیا
اسی دوران ملزم کی ماں نے بیٹے کی گرفتاری کو روکنے کی کوشش شروع کر دی، پولیس اہلکاروں نے ملزم کی ماں کو پہلے دھکے مار کر پیچھے دھکیلا اور ملزم کوزبردستی اٹھا کر گاڑی میں ڈال دیا۔
پولیس اہلکار ملزم کو بھی سرعام تشدد کا نشانہ بناتے رہے، پولیس اہلکار ملزم کی گرفتاری کے بعد موقع سے روانہ ہونے لگے تو ملزم کی ماں نے پولیس گاڑی کا دروازہ پکڑ لیا جس پر پولیس اہلکاروں نے دوبارہ دھکے دیے اور خاتون کو تھپڑ بھی مارے۔
گوجرانوالہ: نوجوان لڑکی پر سرعام تشدد کرنے والا اے ایس آئی گرفتار
پولیس تشدد کی وڈیو وائرل ہونے پر سی پی او سید خالد ہمدانی نے تشدد میں ملوث اے ایس آئی امتیاز ناصر کو محکمہ سے برخاست کر دیا۔
خالد ہمدانی نے کہا کہ خواتین سے بدتمیزی اور ناروا سلوک کسی صورت برداشت نہیں،اختیارات سے تجاوز کرنے اور محکمانہ وقار کو ٹھیس پہنچانے والوں کے لیے راولپنڈی پولیس میں کوئی جگہ نہیں۔