انتظامیہ کا بشریٰ بی بی کو اڈیالہ جیل منتقل کرنے سے انکار

اڈیالہ جیل کی انتظامیہ نے بانی پی ٹی آئی عمران خان کی اہلیہ بشریٰ بی بی کو جیل منتقل ہونے سے انکار کر دیا ہے۔

اسلام آباد ہائیکورٹ میں بشریٰ بی بی کی بنی گالہ سے اڈیالہ جیل منتقلی کیس کی سماعت ہوئی ،بشریٰ بی بی کی جانب سے وکیل عثمان گِل عدالت میں پیش ہوئے۔

190 ملین پائونڈ ریفرنس ، عمران خان اور بشریٰ بی بی پر فرد جرم تیسری بار موخر

سپرنٹنڈنٹ اڈیالہ جیل نے عدالت میں رپورٹ جمع کراتے ہوئے کہا کہ سکیورٹی وجوہات کی بناء پر بشریٰ بی بی کو بنی گالہ سے جیل منتقل نہیں کر سکتے ، رپورٹ میں مزید بتایا گیا کہ جیل میں جگہ بھی کم ہے ، وہاں 250 خواتین پہلے ہی قید ہیں۔

بشریٰ بی بی اڈیالہ جیل سے بنی گالہ منتقل،رہائش گاہ سب جیل قرار

کیس میں چیف کمشنر اسلام آباد نے تاحال اپنا جواب جمع نہیں کروایا ہے، سرکاری وکیل نے چیف کمشنر کے جواب کے لیے عدالت سے وقت دینے کی استدعا کی، جسے عدالت نے استدعا منظور کرتے ہوئے  سماعت 2 ہفتوں تک ملتوی کر دی۔