اسلام آباد یونائیٹڈ اور ملتان سلطانز کے درمیان پاکستان سپر لیگ کے پانچویں میچ میں اسلام آباد یونائیٹڈ نے ملتان سلطانز کو 145 رنز کا ہدف دیا ہے۔
ملتان سلطانز کی جانب سے ہدف کے تعاقب میں بیٹنگ جاری ہے۔
اب سے کچھ دیر پہلے تک ملتان سلطانز نے چھ اوورز میں ایک وکٹ کے نقصان پہ 38 رنز سکور کیے ہیں۔
محمد رضوان اور ریزا ہنڈرکس وکٹ پر موجود ہیں۔
اسلام آباد یونائیٹڈ نے پہلے کھیلتے ہوئے مقررہ 20 اوورز میں 144 رنز بنائے ہیں۔
ملتان کے اوپنر ڈیوڈ ملان پہلے اوور میں نسیم شاہ کی گیند پر صفر پر آؤٹ ہوئے۔
اسلام آباد یونائیٹڈ کی اننگز
اسلام آباد یونائیٹڈ کی طرف سے اوپنرز الیکس ہیلز اور کولن منرو تھے۔
پہلا نقصان ایلکس ہیلز کی وکٹ کی صورت میں ہوا جب خوشدل شاہ نے ڈیوڈ ولی کی گیند پر کیچ پکڑا۔انہوں نے صرف دو رنز بنائے۔
اسلام آباد یونائیٹڈ کی دوسری وکٹ کولن منرو کی گری۔ کولن منرو محمد علی کی گیند پر وکٹ گنوا بیٹھے۔ انہوں نے آٹھ رنز بنائے۔
اسلام آباد یونائیٹڈ کو تیسرا نقصان جارڈن کاکس کی صورت میں ہوا۔ وہ عثمان میر کے ہاتھوں ایل بی ڈبلیو آوٹ ہوئے۔ انہوں نے 41 رنز سکور کیے۔
اسلام آباد یونائیٹڈ کے اعظم خان 13 رنز بنا کر عثمان میر کی گیند پر ڈیوڈ ولی کے ہاتھوں کیچ آوٹ ہوئے۔
اسلام آباد یونائیٹڈ کی پانچویں وکٹ عماد وسیم کی گری۔ وہ عباس آفریدی کی گیند پر کوئی رنز بنائے بغیر بولڈ ہوئے۔
عماد وسیم کے بعد اسلام آباد یونائیٹڈ کی بیٹنگ لائن لڑکھڑا گئی۔ فہیم شاہ ایک، نسیم شاہ دو ، ٹائمل ملز اور عبید شاہ صفر پر ڈھیر ہوئے
ملتان سلطانز نے اپنے پہلے میچ میں کراچی کنگز کو 55 رنز سے شکست دی تھی۔دوسری جانب اسلام آباد یونائیٹڈ نے بھی اب تک ایک میچ کھیلا ہے جس میں وہ فاتح رہی ہے۔ملتان سلطانز کی کپتانی محمد رضوان کر رہے ہیں جبکہ اسلام آباد یونائیٹڈ کے کپتان شاداب خان ہیں۔ملتان سلطانز کا سکواڈ محمد رضوان(کپتان)، ڈیوڈ ملان، ریزا ہنڈرکس، خوشدل شاہ، افتخار احمد، یاسر خان، ڈیویڈ ولے، اسامہ میر، عباس آفریدی، محمد عل، شاہنواز دہانی شا،ل ہیں۔اسلام آباد یونائیٹڈ کا سکواڈالیکس ہیلز، کولن منرو، شاداب خان(کپتان)،سلمان علی آغا، اعظم خان، حیدر علی، عماد وسیم، فہیم اشرف، نسیم شاہ، ٹائمل ملز، عبید شاہ شامل ہیں