خیبر پختونخوا کے نامزد وزیر اعلیٰ علی امین گنڈا پور نے کہا ہے کہ وزیر اعظم پورٹل سیل کی طرح صوبائی کمپلینٹ سیل بنا رہے ہیں، صوبے کے حقوق کیلئے بات کریں گے، سب کو میرا ساتھ دینا ہو گا۔
انہوں نے کہا کہ خاموش رہنے کی وجہ سے صوبے کا یہ حال ہوا،خیرات نہیں لیکن حقوق ضرور لیں گے ، اس حوالے سے تمام جماعتوں کو آن بورڈ لوں گا۔ سیاست سے بالا تر ہو کرصوبے کے حق کی بات کریں گے۔
اداروں کے ساتھ کوئی غلط فہمی نہیں چاہتے، تمام اراکین اسمبلی سے رابطے میں ہیں،علی امین گنڈا پور
علی امین گنڈا پور نے مزید کہا کہ مختلف جماعتوں سے سیاسی الحاق کی بات چیت چل رہی ہے ، کابینہ کی تشکیل پر بھی کام جاری ہے ، کابینہ کے حوالے سے حتمی فیصلہ سابق چیئرمین پی ٹی آئی کریں گے۔