خیبر پختونخوا کے ضلع مہمند اور بلوچستان کے لسبیلہ میں ٹریفک حادثات کے نتیجے میں 10 افراد جاں بحق اور متعدد زخمی ہو گئے ، بعض زخمیوں کی حالت تشویشناک ہے۔
مہمند کی تحصیل صافی کے علاقے قیوم آباد میں بس اور کار کے درمیان خوفناک تصادم ہوا، جس میں 5 افراد جاں بحق اور2 شدید زخمی ہو گئے۔ حادثے کی اطلاع ملتے ہی ریسکیو ٹیموں نے جائے وقوعہ پر پہنچ کر لاشوں اور زخمی ہونے والوں کو غلنئی اسپتال منتقل کر دیا۔
موٹر وے ایم فائیو پرخوفناک ٹریفک حادثہ، 2 افراد جاں بحق
دوسری جانب بلوچستان کے ضلع لسبیلہ میں کوسٹل ہائے کنڈے واری کے مقام پر 2 مسافر بسوں میں تصادم کے نتیجے میں 5 افراد جاں بحق اور متعدد زخمی ہوئے ہیں۔
ایدھی ذراٸع کا کہنا ہے کہ لاشوں اور زخمیوں کو ڈی ایچ کیو اسپتال منتقل کر دیا گیا۔