پاکستان اور بھارت میں شادی کے موقع پر اکثر لڑائی جھگڑوں کے واقعات پیش آتے ہیں تاہم کئی بار بات اس حد تک بڑھ جاتی ہے کہ دلہا اور دلہن والوں میں لڑائی جنگ کا منظر پیش کرنے لگتی ہے، جیسا بھارت میں ہونیوالی شادی کے دوران ہوا۔
بھارتی ریاست اترپریش کے شہر لکھنو میں شادی میں لڑائی کی ویڈیو سوشل میڈیا پر وائرل ہورہی ہے جس میں مہمان ایک دوسرے پر کرسیاں پھینک رہے ہیں۔
اطلاعات کے مطابق بڈھا لال بدلو پرشاد دھرم شالہ میں مبینہ طور پر رقص کے دران بدمزگی کی وجہ سے یہ واقعہ پیش آیا جب شادی میں آئے مہمان آپس میں لڑ پڑے اور ایک دوسرے پر کرسیاں اٹھا کر پھینکنے لگے جس کی ویڈیو وائرل ہوگئی۔
9 فروری کو شادی کی تقریب کے دوران لڑائی کا یہ واقعہ پیش آیا۔ لوگ ڈی جے کے میوزک پر رقص کررہے تھے ک اچانک کی صورتحال بگڑ گئی۔
دنوں پارٹیوں نے ایک دوسرے پر مکے برسائے جبکہ مارنے کے لیے پلاسٹک کی کرسیوں کا بھی آزادانہ استعمال کیا گیا۔کچھ خواتین بھی اس لڑائی میں کود پڑیں مگر چوٹ لگنے کے بعد وہ پیچھے ہٹ گئیں۔ صورتحال کو قابو کرنے کے لیے پولیس کو بھی بلا لیا گیا جس کے بعد لڑائی ختم ہوگئی۔