پی ٹی آئی رہنما بابر اعوان نے کہا کہ وہ کہتے تھے کہ نواز شریف جیتا ہے، اب نواز شریف کدھر ہے؟
اسلام آباد ہائیکورٹ کے باہر میڈیا سے بات چیت کرتے ہوئے ان کا کہنا تھا کہ مینڈیٹ چوری کرنے والوں نے اپنا چیف نواز شریف کو چنا تھا، چوری کرنے والوں نے نواز شریف کا مینڈیٹ بھی چوری کر لیا ہے۔
آزاد کشمیر الیکشن کمیشن نے علی امین گنڈا پور کے وارنٹ گرفتاری جاری کر دیے
نواز شریف دو اور شہباز شریف تین مرتبہ وزیراعلیٰ رہے، بابراعوان کا کہنا تھا کہ یہ اب چھٹی مرتبہ وزارت عظمیٰ کے لیے بھی ٹرائی کر رہے ہیں،نواز شریف کی حکومت ختم ہوئی تو سہولت کاری سے بحال ہو گئی تھی۔
جو ان کو ووٹ دے گا اور ہم پر مسلط کرے گا وہ قومی مجرم ہو گا، بابر اعوان کا کہنا تھا کہ مولانا فضل الرحمان صرف اپنا ریٹ بڑھا رہے ہیں۔