پاکستان تحریک انصاف کے حمایت یافتہ آزاد امیدواروں نے 2018 کی طرح 2024 کے عام انتخابات میں بھی اپنی نشستیں بچا کر اپنا ووٹ بینک برقرار رکھا۔
دیگر بڑی جماعتوں کو اگرچہ 2018 کے مقابلے میں قومی اسمبلی کی چند نشستیں زیادہ ملی ہیں تاہم ان کے بڑے بڑے کھلاڑیوں کو برے طریقے سے شکست ہوئی ہے۔
2018 کے عام انتخابات میں تحریک انصاف کو 116 نشستیں ملی تھیں ، اس کے مقابلے میں 2024 میں بھی پی ٹی آئی کے حمایت یافتہ آزاد امیدوار 100 سے زیادہ سیٹیں جیت چکے ہیں۔
حتمی اور سرکاری نتائج آنے تک پاکستان کے انتخابات پر تبصرہ نہیں کرینگے ، امریکا
دوسری جانب مسلم لیگ ن نے 2018 کے انتخابات میں قومی اسمبلی کی 64 جنرل نشستیں حاصل کی تھی جبکہ 2024 کے عام انتخابات میں مسلم لیگ ن کو اب تک کے نتائج کے مطابق 71 نشستیں ملی ہیں۔
اس کے علاوہ پیپلز پارٹی نے 2018 میں 43 جنرل نشستوں پر کامیابی حاصل کی تھی جبکہ 2024 کے انتخابات میں ان کے حصے میں 54 نشستیں آئیں۔